Ore ake pee eidip Enkai aipang’ie Adam o Hawa te nkurma, nenutayu Hawa neiu enkayioni. Ore egira Hawa aisho nejo, “Te nkidimata Olaitoriani aidima atoiu olee.” Neipot enkayioni aajo Kain. Ore pee elusoo erishata, neitoki Hawa aiu enkayioni neipot enkarna ajo Abel. Nebulu Kain neaku olaturoni le nkurma. Nebulu sii ninye Abel neaku olchekut lo inkerra.
Ore nabo olong’ neyaki pokira Enkai olasar. Neyau Kain olasar le nkurma enye, ilng'anayio o kulie pukunot oo ndaiki enkurma. Neyau Abel irbalelo le dukuya oopir loo nkerra enyena, neitayu olasar neibukoo osarge. Nenyoraa Enkai olasar le Abel kake neany olasar le Kain.
Negoro Kain oleng’. Nejoki Enkai Kain, “Kainyoo pee itagore? Ore pee ias embae sidai, naa kaanyoraa.” “Kake tenaa ias embae torrono, kigira ing’ok aarresh te kutuk aji.” Naa iyie eyieu nikimbung,’ kake eishiakino nimir ninye.”
Ore pee elusoo erishata naje, nejoki Kain olalashe lenye Abel, “Maape enkurma.” Ore epoito tiatua enkurma, near Kain Abel nelo aing’uaa.
Neaku, nejoki Enkai Kain, “Amaa, koree olalashe lino?”
Nejoki Kain ninye, “Mayiolo nanu. Amaa, kara olaing’orani lo lalashe lai?”
Nejoki Enkai, “Aaishiraki osarge lo lalashe lino te nkop! Kitediaaki! Mikintoki enkop aiki ilng’anayio. Miata inchere pee ming’uaa ene wueji nilo amanaa tenkop pooki.”
Nejo Kain, “Oi! Kegol ena oleng’ te nanu! Kintayu nanu aitung’aa enkop.
Kintayu nanu aitung’aa enkomom ino naa ore pooki laadol na kaar nanu matua!”
Nepik Enkai olmoniekie Kain nejo, “Ore oliking’em iyie, naa kalaaki inkatitin naapishana.” Neaku nelo Kain amanaa too nkuapi pooki.
Neaku enotito Adam o Hawa enkai ayioni, neipot enkarna enye ajo Seti pee ejing’ erishata e Abel otua. Netum Kain inkera, kake inkera torrok nemeisis Enkai. Netum sii Seti inkera. Neserem ninche Enkai.