Enkitok e Isaka
Ore peyie eaku Abraham oloo larin 137, etamorua neye Sarah te Hebron, nenukaa Abraham ninye teine. Ore tena rishata Isaka naa oloo larin artam neton eitu eyamisho. Neiimwaa Abraham olaisiayiani lenye obo meshomo eneti ilentalipa enye te Syria aing’uraki ninye enkitok, amu meyieu apa neyam ninye e ntito Olkaanaani. Ore pee ebaya Syria, neomoa osinka Enkai meitoduaa ninye entito sidai, neutaki ninye Enkai Rebeka. Naa ore ninye naa enkakuyia olalashe Abraham atobiko apa ninye te Syria. Nenyorra Rebeka o Papai lenye ena kiyama. Neshuko alo Kanani tenebo ilo sinka. Neaku ninye enkitok e Isaka. Ore pee elusoo, neye Abraham, nenukaa Isaka ninye aitatashai Sarah.
Einotoe Isaka o layiok le Rebeka
Ore terishata naado, neitu enutayu Rebeka. Neaku neomon Isaka Enkai tialo ninye, neaku ore etulusoyie ilarin tikitam nelotu aisho, netu ilmao-layiok. Ore eton enuta, nening Rebeka inkayiok ebolbola maate. Nejoki Enkai ninye “Etii iloshon oare auta enkoshooke lino … Ore liake osho negol alang olikae. Ore olbotorr naa keisiai olikae.” Neipot enkayioni edukuya Esau. Neini olikae eibung’ita olikae entutunyio. Neipoti ninye enkarna aajo Yakobo, aa inchere olalejani..
Amenu einoto e kikausho ino
Ore tenkaraki naa ninye olbotorr, neishiakino nengamaa Esau esipata anaa ninye olkikau. Amu ketum enjung’ore katitin are, naa keishiaakino sii apa netom enkisiligata pee eaku emayianaa te ishoi e Abraham. Ore egira inkayiok abulu, naa olang’oroni apa Esau, nenyorr apa ashomo eng’orore. Nenyorr apa Isaka emeloni o ng’uesi naarr a ninye o nena napir nayau Isau. Kake kegira apa ninye Yakobo, nebik apa ninye too lng’oborri naa ninye enyorr ng’otonye enye, Rebeka.
Ore nab oolong egara Yakobo ayierr motori, nelotu Esau ashukunyie eing’uaa engorore netoriro esumash oleng’. Nejo, “Yakobo inchooki enkiti toki nanya.”
“Maisho nanu iyie kake kamiraki nanu iyie ainosie esipata e kikausho ino teinoto.”
“Ng’ura, Yakobo etaa kaye te sumash. Kainyioo tipat naata esipata e kikausho toltung’ani oyie? Nenya olmumai te Yakobo pee emiraki ninye esipata e kikausho enye te mbakuli o motori. Nemenu esau kikaushu arashu esipata e kikausho enye.
Empurrorroto o Emayianata
Ore pee elusoo erishata, neipotu Isaka, Esau, “Atamorua, nemayiolo erishata neton abik aishu. Shomo eng’orore, nikiyiaraki anaa oshi ake. Amu kayieu namayian eton eitu aye.”
Kake egira apa ainining Rebeka, neaku ore apa eshomo Esau enalakua eng’orore neretu ninye Yakobo meteleja papai lenye, amo modooni ninye pee ejo ninye Esau ogira alotu enetii enapita ngiri namelok. Neaku etamayiana Isaka, Yakobo too mayianat apa naa ino lkikau lenye, Esau. Ore pee eyiolou Esau ajo etelejeki ninye te sipata e kikausho o mayianat e papai lenye, negoro oleng, nenya
olmumai ajo kaarr ake Yakobo. Nejoki Rebeka Yakobo “Toning’oki nanu, enaikash isik alo aboitare olalashe lai te Syria meikasha Esau. Kaliki erishata nilotu.”
Kake ore Isaka nejoki, “Atanaure te kuna kituak oo nkuapi e Esau. Ore ake pee eyam Yakobo nabo e kuna enaikash aye nanu!”
Nejo Isaka, “Meyam hoo Yakobo entito olkanaani shomo Syria, shomo eyau entito nabo olenkapu lino, ina naikash.” Nelo Yakobo Syria.