(Ore apa olarishani obayie oitajewuo inkera olosho loo Siraeli naa keji Samuel. Ore apa aa enkayioni, neirorie Enkai ninye neliki ninye imbaa naasa to nkolongi napuonu. Ore apa egira abulu, netii apa Enkai tenebo o ninye, naa ore apa pooki natejo nepuonu asipayu, neyiolou olosho pooki ajo oloiboni le Nkai ilo.)
Ore pee eaku ninye oltung’ani kitok nejoki ninye Isiraeli, “Ekiyieu sii iyiook olkinki ana ilkulikae oshon.”
Neitu apa eitiship Samueli ena bae, kake nejoki Enkai ninye, “Atanyaita Isiraeli anaa oloiguanani lenye. Ore apa anaa nayau ninche aitupuku te Misiri, natunguatie ninche nanu neibelekenya kino. Aserem inkitanyaanyukot. Neaku inchoo ninche ina nayieu. Kake inkoo ninche enaiko lelo aiguanak teneitore ninche aitaa ninche isinkan, neitorogony ninche.
Ore etii nena kikoot, enigil Isiraeli aikilikuanu olaiguanani orik ninche olarrabal. Neitodol Enkai ilo barnoti oji Samueli autaki olbarnoti oji Saulo nebukoki ninye eilata metaa ninye/meitoria Isiraeli.
Neretu Saulo olosho loo Siraeli metimira ilkuti mangati lenye (lelo apa tung’ana otalaikinote Isiraeli aatarai teina kop enkisiligata). Neiteru Saulo aisilig kewan alang enaisilig Enkai. Ore nabo kata, alang’ enaanyu Samueli, olapolosani le Nkai, pee elotu aitayu. Olasarr eton eng’orr olarrabal, neishunye engiriata enye, neureishoyu neitayu ninye openy. Negoro Enkai.
Ore ti ae kata, neirorie eimu Samueli, nejoki Saulo meshomo arasaki Ilmaleki, pee epuo aitalaku elap anaa enapa rasakinoto enye tialo Isiraeli te rishata natulusoyie. Naa ilaseremak apa loo nkitanyaanyukot. Nejoki Enkai, “Eishutu pooki toki o metabaiki inchoo enye.” Kake eitu apa ear Saulo olaiguanani lelelo mangati, neya inkishu napir, neitobirr olperere odamunyeki ninye.
Ore atulusoyie olarrabal, nelo Samueli enetii Saul: Ore pee edolu Saulo ninye nejo “Metamayiani Olaitoriani! Amu ataasa enkitanapata Olaitoriani.
Nejo Samueli, “Kainyioo naa ele toilo loo ntare, o nkishu laningito?” Nejo Saulo, “Ee, eyautua ilewa lainei intokitin naapirr peyie eitakinyie
Olaitoriani, Enkai olasarr. Kake kindipakita kulie tokitin pooki! Kitoning’o Enkai!” “Entung’uai” neitanap Samuel. “Ijojo intae ilasarri enyorr Enkai alang
ening’oto? Aisidai ening’oto alang’ olasarr. Ore eng’olon enkong’u o olwuasa netiu ake anaa eseremata oo nkaitin. Ore amu itemenaitie ororei lo Laitoriani, kitemenayie sii ninye iyie Olaitoriani anaa olaiguanani.” Neibelekenya Samueli ajo alo, neibung Saulo olcholoi lolkila lenye nepolos nejoki Samuel etopolosayie Olaitoriani enkitoria ino taata pee eisho ole latia ino.
Ore enabayie nejo Saulo, “Ayia, ataasa eng’oki. Atigila inkitanapat Enkai.
Aturia apa ole orere naming ninche. Neaku ore taat atasayia, tapalikiaki eng’oki ai nirrinyunye alo tenebo nanu, iyanyitaki tenebo kulo payiani lo lorere lai o tedukuya Isiraeli; wou tenebo nanu, pee alo nanu aserem Olaitoriani.”
Nerrinyo Samueli alo, neserem Saulo Olaitoriani, nesesekuan Samueli olaiguanani loo Ilmaleki tedukuya pooki, neisik, neitu eigil aadua o Saulo.