Ore apa eton eitu eitobir Enkai iltung'ana, neitobiru Enkai ilmalaika kumok oleng’. Nemanya kulo malaika tenebo ninye te shumata. Neitobira apa ninche aa supati nemeata ing’ok. Ore ilmalaiki naa inkiyang’eta. Neitobirr ninche pee eserem, neisiai ninche ninye. Neserem neaku ilaisiayak lenyena.
Ore olmalaika obo oitobira Enkai naa ng’en oleng naa eisidai sii alusoo too lkulikai. Neji enkarna enye Lusifa. Neishoo apa Enkai Lusifa erishata e tipat tiatua shumata. Ore pee elusoo erishata newuasa Lusifa oleng’ naa keyieu neaku kitok anaa Enkai. Netii sii kulikai malaika ootegelutua aasuj Lusifa aagolong’aki Enkai.
Kake neyiolou Enkai indamunot e Lusifa o lelo kulikai malaika. Nelaikino atogolong'aki ninye. Amu keyiolo Enkai pooki toki neata sii engolon alang’ Lusifa o lelo kulikae malaika, amu Enkai naitobirua ninche pooki. Ore tenkaraki engolong’u enye, nearaa Enkai ilmalaika oogolong’u aitungu’aa shumata. Ore Enkai naa ole sipata ninye, nemenyoraa aaku tenebo aibung’are lelo oogilunore ninye. Nejo sii Enkai ore kenya enkolong’ nabo naa keitame lelo malaika ogolong’u tenkaraki ing’ok enye.
Neibelekeny Enkai enkarna e Lusifa ajo Shetani. Ore ena arna naa “Olalejani.” Ore Shetani o lasujak lenyena pooki neaku ilmang’ati le Nkai. Negilunore inkipankat e Nkai inkatitin pooki. Neaku, ore tena rishata, ore ilmalaika asujak le Shetani, naa ninche inkiang’eta torrok. Nesuj Shetani negilunore esipata. Nemeyieu Shetani nikining’ Ororei le Nkai. Neaku ena enkiting’oto enkatini.