Ore pee elo Yakobo Syria, neirrag enkewarie nabo Betel. Ore teine netum enkidetidet. Nedol olkedet obaiki shumata o enkop. Nepuo ilmalaika te shumata o ti abori. Ore te shumata olkedet, neitashe
Olaitoriani, nejoki, “Ara nanu Olaitoriani, Enkai e Abraham papaai lino, nara sii Enkai e Isaak, naa ore ena kop naa ninye irragie, ekaaisho nanu iyie tenebo o eishoi ino. Naa kebayu eishoi ino anaa enterit enkop naa aiponari aibulaa aidapashakino enkop te nkalo o loontolu, o tenkalo o loosaen, o te nkalo e moikuape o te nkalo e kopikop; naa te iyie tenebo eishoi ino emayian iloshon le nkop pooki ate. Ing’ura atii nanu tenebo iyie naa kaarrip iyie te pooki wueji naba anaa enilo, naaitoki arrinyu ena kop.”
Neaku eshomo Yakobo mpaka Syria.