Ore pee eidip Enkai arriu imleita naudo, nejoki Enkai Musa, “Aitagolo oltau le Farao pee aitame Ilmisiri too nkaitin enye. Aasita kuna kitoduat pee ilikiki inkera oo inkera oo loo kakuyia linyi pee iyiolou nchere ara nanu Olaitoriani.
Naa kairriu likae meitai obo neisho intae Farao impang’ipang’a tena kop.
Entoning’u entobiraki. Ore pooki marei neitayu olkuo obo le kerr aashu ole kine lemeata entibili lo lari obo neiyieng’ eton eitu emisimisu. Neitadoiki hysopo atua osarge neisuaki intaloishin e kutuk aji. Ninyianya inkiri naatapejoki te nebo imukateni neitu eisuijieki ninyiaya sii mbenek naadua. Nitonini tiatua inkajijik too lmonokie loo sarge o mekenyu. Enosa entasioki inchopitoto inkilani inyi.
Amu kaim atua enkop e Misri naar metuata ilkikaunot pookin pee aitame Ilmisiri tenkaraki inkaitin enye. Kake ore pee adol osarge too intaloishin e kutuk aji naa kalo agiroo intae. Nimbung’ubung’u aitaa osirua lo Laitoriani tiatua eishoritin inyi pooki te pooki ari. Ore eikilikuan intae inkera inyi nchere ‘Kainyoo tipat e ina?’ entoliki ninche nchere, “Tena olong’ apa, eitayu iyiook Olaitoriani aitung’uaa sinkaisho ten kop e Misiri.’”
Neas Isiraeli anaa enaitanapa Olaitoriani ninche. Ore te mpolos enkewarie nelo Olaitoriani aim atua Misiri near pooki kikaunot te pooki aji o metabaiki olkikau le Farao. Kake ore pee edol Enkai osarge lo lkuo le kerr too nkutukie oo nkajijik oo inkera oo Isiraeli, negiroo ninche. Neton apa kewarie pee eipot Farao Musa tenebo o Haron. Nejoki, “Ewaita pooki toki inyi. Enchom!” Ore iltung’ana le latia loo Lmisiri nejo, “Ee, enchom pee mikiiye.” Neisho sii ninche inkarsisisho anaa sahabu o enkosholai o masaa anaa enatiaka Olaitoriani Musa o Abraham apa. Ore ina olong’, nekordu Enkai iltung’ana lenyenak tenkop e Misiri.