Musani gaafa lafa Misirii keesa baqate nama ganna afurtamaati. Inni lafa haloo keesa ganna afurtama dhibi taae, Zipora ta intala Yethro kha qaalu Midiani fuudhe.
Gaafa toko ato Musani ree sodda isaa gaara fula Sinaiti tissu malaikaani Aabbo Waaqaa wod'aka gurbi keesa aka bobaa ibidaa iti mullate. Musani mukha suni ka bobau ammo ka ingubanne arge iti d'iaate waan mama suni laale. Aabbo Waaqi “Musa! Musa!” jed'e mukha kaani keesaa isa yaame.
Musani waan jed'eeni, “Anini kunooti.”
Jennaani Waaqi waan jed'eeni, “Gadi ind'iaatiini, kobe baafad'u fullaani atini ejitu sunini qulqullo. Anini Waaqa abba keetiti, Waaqa Abrahamuti, ka Isaaqoti, ka Yakobooti. Anini yayu gaargala worra kiyya ka lafa Misiri keesa tau arge, boha worri nama worra hojachiisu iraa bohu d'agaye, d'iba worra kiyya hubad'e. Tanaafi anini amma aka harka worra Misiri keesaa baasufi gadi bue, ammalle aka lafa suni keesaa baase lafa ballo dansa, ta aananifi dammi aka lolaa yau, lafa gosa Kanaani worra geesu. Amma deemi, Faraoti si erga, aka atini worra kiyya, ilmaani Israeli, lafa Misiri keesaa baaftu.”
Jennaani Musani Waaqa laalu sodaate fuula d'ofate, waan Waaq laalu sodaatef. Musani waan Waaqaani jed'e, “Anini woma keesa injiru, akami dandae gara Farao d'aqe ilmaani Israeli lafa Misiri keesaa baasa? Yo gumiin Israeli nati gara galtu ho? Yo anini gara gosa Israeli d'aqe, Waaqi abba keesaniti isaniti na erge jed'eeni, worri na gaafate, Maqaani isaa eenu? naani jed'e, anini duuba eenu jed'aani?”
Waaqi waan Musan jed'e, “ANINI ANUMA.” Wonti atini gosa Israelitini jettu tana: “ka ANUMA jed'aniti gara keesani na erge.” Ammalle Waaqi waan Musani jed'e, “Anini wahela sii taha, aka anini si ergu waan kanaani beeta: eegi atini worra kana lafa Misiri keesaa baafte, isani gaaruma kana irati Waaqa kad'attani.”
Jennaani Waaqi akheekha lama Musaa kenne, akka gumiini Israelii isa dhugeefatu. Aabbo Waaqi “Ule tante lafa buusi” jed'eeni, inni lafa buuse jennaani bofa taate. Jennaani Waaqi waan jed'eeni, “Gadi jed'i, eege qabi, olfuud'i.” Jennaani Musani gadi jed'e qabe olfuunaani deebite ule taate. Ammalle AABBO Waaqi waan jed'eeni, “Harka kanke woya keesaa qoma ira keeyad'i.” Musani akuma suni tolche, yo inni gadi fuud'e, harki ya ch'itae adaate. Waaqi, “Harka kanke qomati deefad'i jed'eeni.” Musani akasi tolche jennaani, yo inni gadi fud'ate, harki kaani fayye akuma nafa isaa kaaniti deebie. Waaqi waan jed'e, “Yo worri si d'ugefachu dide yokhaani akheekha kan lamaani garsiisi akka worri aka anin Waaqa abaabota worra na beekhani.”
Waaqi amalle akka oboleesa Musaa, Haruni isa gula ergu Musaa kakhate. Duuba Musani eeyame lafa Misiriti deebie.