Oboleesi Yakoboo, Esauuni, akka Yakobooni kara sobaatini angafoomafi eeballe irra fudhatan hubanaani, inni guddo dallane akka oboleesa isa ijeesu kakhate. Duuba Yakobooni akka gorsa haadhaafi abba isa gula lafa Suuriaati gara abuya isa Labaniiti baqate. Ato deemu, karaati aduuni iti d'iinnaani inni fulluma suni d'akha fud'ate mata jala saabate ufiraa bule.
Duuba oobjate, riiqa d'eera gubbafi lafati eju, ka malaikaani gula gabuute gula oldeebitu, arge. Yo inni jed'e, kuno, Aabbo Waaqi bira eja. Waaqi waan jed'eeni, “Anini Aabbo, Waaqa Abrahamutiifi ka Isaaqo; lafa atini amma ira ch'iiftu tana sifi ilmaani teetii kenna. Isiini aka biyye tana taate, lafa tana mirgaa bitaa fud'atte sifi ilmaani teetiini gochi ch'ufti eeba argatti. Ammalle si wahelche, fulla atini deemtu ch'ufati si qorqorad'e, lafa tanati si deebisa. Anini si illakisu, haga waan sii tolcha siini jed'e ch'ufa sii guututi.”
Jennaani Yakobooni damaqe, sodaate waan ufiini jed'e, “D'uguma, Aabbo Waaqi arma fulla tana jira, ammo duraani akana inseene. Inni rifate waan jed'e, Fullaani tuni akami nama d'eechifti! Waan d'ibiniti, fullaani tunini mana Waaqaati, yokhaani karra gubbaa.”
Lafti bariite jennaani Yakobooni lafaa kae d'akha mata saabate kaani fuud'e, aka akheekha old'aabe d'ad'aani muude woyyoomse. Jennaani Yakobooni kakhate waan Aabbo Waaqaani jed'e, “Hojja atini na wahelchite imaltu tiyya keesati na qorqoratte beelafi daara na baafte, ammalle nagayaani worra keennati na deebifte, siumati Waaqa kiyya taha. Fullaani anini d'akha kana akheekhaa old'aabe tunini mana kanke taati; ammalle waan atini naa kennite ch'ufa kud'ani keesa toko sii kenna.” Duuba Waaqi kakhuma Abrahamuufi Isaaqoo kakhate suni Yakoboboolle kakhate. Ammalle haga mana abuya isa kha lafa Suuria jiru isa qajeelche.