Baada ya Stefano kumaliza kuwaita viongozi wa kidini watu wenye shingo ngumu wasiotahiriwa mioyo na masikio, viongozi wa kidini walikasirika, wakamsagia meno. Akiwa amejaa Roho Mtakatifu, akatazama mbinguni na kuuona utukufu wa Mungu na Yesu amesimama upande wa kulia wa Mungu.
Akasema, Tazama, naona mbingu zimefunguka, na Mwana wa Adamu amesimama mkono wa kuume wa Mungu.
Lakini wakapiga kelele kwa sauti kuu, wakaziba masikio yao, wakamrukia pamoja. Kisha wakamtoa nje ya mji na kumpiga kwa mawe. Nao mashahidi wakaweka nguo zao chini ya miguu ya kijana mmoja aitwaye Sauli.
Na walipokuwa wakimpiga mawe Stefano, akapaza sauti, "Bwana Yesu, pokea roho yangu." Akapiga magoti, akalia kwa sauti kuu, "Bwana, usiwahesabie dhambi hii." Naye alipokwisha kusema hayo, akalala.
Naye Sauli akakubali kuuawa kwake.