Ore apa Eliya naa oloiboni yioloti, oirriwayie apa Enkai kopkop e Isiraeli te nena apa olong’I nabore enkarrueisho, naseremitae nkitanyaanyukot terishata e Ahab. Ore tenkaraki eng’oki e Isiraeli, neibonu Eliya olameyu, neitasheyie Enkai enchan too larin okuni. Ore tena rishata neshomo Eliya aisudori tenkaraki Ahab. Ore pee eishunye ilarin okuni lemetii enchan, neigil aitodolu kewan te dukuya Ahab. Ore pee edolu Ahab, Eliya nejo, “Iyie ilo, olaitanyamalani loo Siraeli?” Nejo Eliya, “Eitu nanu aitanyamal Isiraeli. Itaasa ina amu ishomo aserem enkitanyaanyukoto e Baal!” Nejo Eliya, “Inturrurrokoki Isiraeli to ldoinyio le karmel pee kidol Enkai nasipa tenaa Olaitoriani arashu e Baal.”
Ore enkolong nabo nageluno, netii apa ina olaiguanani Ahab tenebo iloibonok iip ong’uan o onom le Baal. Neiturrurro Isiraeli pooki to oldoinyio le Karmel. Neitashe Eliya openy te nkaraki Olaitoriani. Nejoki Eliya olorere, “Entasho maitaki Enkai olasarr metii enkima. Enchoo iloibonok le Baal meitayu sii ninche olasarr metii enkima. Ore ake Enkai nawalu te nkima naa ninye Enkai nasipa.” Nejo olorere pooki, “Ayia! Sidai ina damunoto!”
Ore eyia nejia, ore tadekenya neomon iloibonok le Baal aajo inji, “Oo Baal!
Toning’o iyiook! Irriwaki iyiook enkima! Oo Baal, Toning’o iyiook!” neishirr o metabaiki enkipirata e nkolong’ nemeata entoki nataase. Ore pee eipirr enkolong, neikordodaa Eliya ninche, “ebaiki keirura Baal!” “ebaiki eshomo elototo naado.
Entabuaku oleng’!” neiteru iloibonok le Baal aipidipid nerany, nebuaku aajo lelo oibonok le Baal nedung’udung’ ate too nkalema, nerukunyie osarge. “Oo Baal!
Toning’o iyiook! Irriu enkima! Nebau enteipa, neton ake meata entoki nataase.
Nejo Eliya, “Eidipe! Etaa erishata ai.” Neshetu Eliya olperere, ashetaki Olaitoriani too soito tomon o are. Neyieng oloing’oni neiteleiki ilo perere. Netaru eng’umoto aitaman ilo perere, nejoki ilewa metubukoki iltooi tomon o are abukoki ilo asar. Nebukokino ina are ilo oing’oni, nebukokino lelo keek, nebukokino isoito neaku kedoyo teina gumoto. Neitashe Eliya, neomon “Enkai ai. Intodolu iyie ajo ira Enkai, nara nanu osinka lino.” Ore ina kata ake, nedou enkima naing’uaa keperr, nepejoo ilo asarr pooki, nepej ilkeek, nepej lelo soito, nepej enkare pooki.
Nebuaku olorere, “Olaitoriani! Ninye Enkai!” nejo Eliya, “Entodumu lelo oibonok iip ong’uan le Baal, niariara ninche metuata.” Ore pee eidipayu ina neitoki enchan alotu.