Ore pee elusoo osirua le Pasaka, neshuko Yesu o looiteng’eni lenyena aapuo Galilaya. Neim ninche enkoitoi naimaa enkop e Samaria. Naa keiba apa Ilyahudi Isamaria amu etushulare apa kulikai oreren. Neaku ore too indamunot oo Lyahudi, ore Isamaria naa iltung’ana lemesinyat.
Ore ina kata etii Samaria, nelotu Yesu oo loiteng’eni lenyena enchorro enkare natuturuo apa kakuyiaa lenye Yakobo. Ore pee ebaya erishata endama nenauru Yesu. Neton ayeng’iyeng’a tembata enchoro naokuni, nepuo ilooiteng’eni lenyena olduka aainyiang’u endaa.
Nelotu enkitok oo Samaria enchorro aoku enkare, neng’amaa Yesu ajoki, “Inchooki enkare naok!” Neing’asia enkitok o Samaria. Nejoki ina kitok e Samaria Yesu. “Kaji etiu pee kiomon iyie Olyahudi enkare nara nanu Esamariai?” (Amu mejing’a Ilyahudi o Lsamaria).
Newaliki Yesu ajoki, “Tenaa iyiolo enkishorunoto e Nkai naa eing’ai ilo likijoki ‘Inchooki enaok’, anaata aa iyie naomon ninye naa eikincho ninye enkare naishu.” Nejoki enkitok ninye. “Lo kitok, miata toki niokunye negut olkesumet. Ai tiaji iata enkare naishu?”
Newaliki Yesu ajoki ninye, “Ore pooki ng’ai ook ena are naa keitoki atir enkure. Kake ore ilo ook ina naisho nanu, nemetir enkure intarasi; amu ore ina are naisho nanu keaku enchorro tiatua ninye naitootuakino enkishui oo ntarasi.”
Nejoki enkitok ninye, “Lo kitok, inchooki ina are, pee maaitoki atir enkure, nemaitoki alotu eneba inji aoku enkare.”
Nejoki Yesu ninye, “Shomo impoto olpayian lino wootu ene.” Newaliki enkitok ajoki ninye, “Maata nanu olpayian.” Nejoki Yesu ninye, “Intorioko ina nitejo, ‘Maata nanu olpayian.’ Amu imiet ilpayiani likiwaita, neme olino olikiaata taata. Ore tena iroro esipata.” Nejoki enkitok ninye, “Lokitok, adol ajo ira iyie oloiboni.
Eteseremishote loo papa tele doinyo, nijojo intae eji atua Yerusalem etii ewueji nemeata kata nemeseremishoreki.”
Nejoki Yesu ninye, “Kelotu esaa neme te le doinyo, neme te Yesuralem iserememe Papa. Iserememe intai enimiyiololo, nikiserem iyiook enikiyiolo, amu Ilyahudi eing’uaa enjeunoto. Amu kelotu esaa, netaa taata, naserem Ilaseremak oosipa te nkiyang’et o te sipata; amu kitejo lelo oing’oru Papa pee eserem ninye tenkiyang’et e Nkai, ore ilooserem ninye, nenare ake neserem te nkiyeng’et o te sipata.”
Nejoki enkitok ninye, “Ayiolo ajo kelotu Mesia, laa ninye eji Kristo. Na kelotu neboloki iyiook imbaa pooki.”
Nejoki Yesu ninye, “Nanu doi, ele laairorie iyie.” Neing’uaa ina kitok oltoo lenye le nkare tembata enchoro neshuko alo ena anasa aliki pooki ng’ae. “Wootu entodol oltung’ani laatolikio mbaa pooki apa nataasa: Kebaiki naa ele Mesia?” Neshukunye iltung’ana tenebo ninye omeetu enchorro aadol Yesu.
Neiruk ina kata iltung’ana kumok Yesu tenkaraki nena naatejo enkitok. Nesai ninche ninye pee melo aing’uaa ninche neijia. Nebik nkolong’i are teine, neiteng’en
iltung’ana, neitoki aairuk kulikai ake kumok ninye. Nejoki ninche enkitok, “Kiruk taata, kake mme tenkaraki enitejo. Kitoning’okito taata ate kuna baa, nikitayioloito taata nchere ore ele tung’ani naa kesipa ninye Kristo Olaitajeunoni le nkop pooki.”