Ore pee eidip Yohana aibatisa ninye, nerikoo Enkiyang’et Sinyati atua orpurkel otii pee erisha Yerusalem o Yeriko. Nebik teine nepukoo inkolong’I artam o nkewaritin artam pee elotu shetani atem ninye. Neitu ninye enya toki nelioo ajo ore etulusoyie ina rishata pooki netiru ninye esumash.
Nejoki Shetani Yesu “Tenaa kesipa ira enkerai e Nkai, oloyala lenye, intodolu naa. Tiaki kulo soito metaa mukateni.”
Kake nejoki Yesu Shetani “Ejo ilkegerot, meishuyie oltung’ani emukate ake, kake pooki rorei opuku tenkutuk e Nkai.”
Nerik Shetani ninye Yerusalemu, neisho ninye meitasho te ntopij enkaji, “Tenaa ira iyie enkerai e Nkai, tusulai kewan enkop! Amu ejo ilkigerot ‘keitanap Enkai ilmalaika pee king’or ninche iyie’. Kejo sii, ‘eikinap ninche too nkaik enye, pee mikinkob osoit enkeju ino’”.
Kake newaliki Yesu, “Kejo sii, ‘mitem iyie Olaitoriani Enkai ino’”.
Ore aigil, nerik Shetani, Yesu oldoinyio oado neitodol ninye inkitoriat pooki e nkop o enkitoo. “Enkaisho nanu iyie intoria kuna pooki kitoriat o enkitoo pooki.
Amu aishooki, naa kaidim nanu aishoo iyie arashu likae ake tung’ani ayieu. Keaku inono pooki. Ore ake enias naa pee kigilaki kung aserem nanu.”
Newaliki Yesu ninye te rishata nabayie, “Shomo Shetani, amu etisiraki!
Teserema Olaitoriani Enkai ino aa ninye ake openy.”
Ore pee eidip Shetani atetema ninye ina rishata nelo aing’uaa Yesu nepuonu ilmalaika aisiai ninye. Ore te nkishui enye, netem shetani te ng’oki oshi nataasa iltung’ana … arashu etadamutua pee eas. Kake ore Yesu neirisha aanyare pooki rishata natetemaki shetani ninye, neitu aekata eas eng’oki.