Ore nabo olong’ eewuo olbarnoti karsis enetii Yesu nejoki, “Olaiteng’enani supat, kaa bae naikishiaan aas pee atum enkishui nemeish?”
Nejoki Yesu, “Ainyoo pee kinkilikuan nanu inenkishiaa? Obo ake eetai aa supat; kake te naa iyieu nijing’ atua enkishui, imbung’a inkitanapat.”
Nejoki, “Akua?” Nejoki Yesu, “Kajo iyilou. Miar metua, miloloito, mipurrisho, minchakenoki elejare. Iyanyita minyi o ng’utunyi, tonyorra ole latia ino anaa kewan.”
Nejoki ilo barnoti ninye, “Aidipa aibung’a nena pooki ebaiki apa ara enkerai: amaa, ainyoo ae naatong’orikia?”
Neing’or Yesu olbarnoti akurraki inkonyek nenyorru nejoki, “Te naa iyieu niaku bayaroti, shomo timira masaa pooki niaata, inchoo ilaisinak, neaku iata olchumati te shumata, nikilotu asuj.”
Ore pee ening’ ilo barnoti ilo rorei, nelo eisinanuo amu eata masaa kumok. Nejoki Yesu ilooiteng’eni lenyena, “Esipa ajoki intae nchere egol pee ejing’ olkarsis enkitoria e keper. Naitoki ajoki intae, kelelek te ntames eim enaudoto o
ltidu alang’ olkarsis ejing’ enkitoria e keper.”
Ore pee ening’ ilooiteng’eni lenyena neing’asia oleng’ nejo, “Aing’ae naa oidim atajeu?”
Nekurraki Yesu nkonyek nejoki ninche “Meidimayu ina too ltung’ana, kake eidimayu pooki te Nkai.”