Nami toko, ka Lazaro jed'ani, ka oboleyaani isaa ta dubra Mariamufi Martha. Oboleyaani isaa nama Yesoti ergite waan jetteeni, “Aabbo, ilaali, jaali kanke kaani fayyaaniti.” Ammo Yesoni akasi d'ageennaani waan jed'e, “d'ukubi kunini ka duatiniti, ammo wonti woni kunini taateefi aka akasiini Waaqa guddisani ilmi isaaleeni guddinna argattu.”
Yesoni Marthafi oboleeti isitiifi Lazaro jaalate. Inni fayyad'aba Lazaro d'ageennaani, fulla jiru suni guyya lama tae. Jennaani Yesoni diideese hime, “Lazaroni la due jed'e; ammalle ayyaana keesani, ka hojja suni anini achi injirre, aka isani d'ugefattani. Ammo beena, gara isaa nu yaasa jed'e.” Yesoni d'umnaani, aka Lazaroni haga guyya afuri awaala keesa bule d'agaye. Nama heddu kha achiiti marro duisa Lazarotifi bohuuti jiru arge. Marthani waan Yesoni jette, “Aabbo, ato atini sila arma jiraate, oboleesi kiyya induu. Ammalle ammatanale ani imbeekha, waan Waaqa kad’atu ch'ufa Waaqi sii kenna.” Yesoni waan isiini jed'e, “Oboleesi kanke inuma kaa.” Marthani waan jetteeni, “Anini imbeekha aka inni guyya kaisa muumme kau.” Yesoni waan jed'eeni, “Ka kaasufi ka jiraachisu ana; nami na d'ugefatu, yo duele, injiraata. Nami ato jiru na d'ugefatu haguma jiru induu. Atini akasi d'ugefatta?” Isiini waan jetteeni, “Ee, Aabbo, aka atini Kristo, Ilma Waaqa, ka lafati d'ufu jed'ani, ani la d'ugefad'e.”
Marthani akasi jennaani deemte, oboleeti isii Mariamu laanuma yaamte waan jetteeni, “Aabbo Yesoni arma jira, si yaamu jira.” Jennaani Mariamuni fulla Yesoni jiru geennaani isa argite, miila isati jidde waan jetteeni, “Aabbo, ato sila atini arma jiraate oboleesi kiyya induu.” Yesoni fula awaala deemnani imbohe. Jennaani gumiin waan jetter, “Me ilaala, aka inni isa jaalate!” Yesoni, “D'akha iraa gangalcha” jed'e. Marthani waan jetteeni, “Aabbo, amma inajaa, haga due arra guyya afuri.” Yesoni waan jed'eeni, “Anini, Yo ati d'ugefatte, guddinna Waaqa inagarta siini injenne?” Duuba d'akha suni iraa gangalchani. Yesoni olmillate waan jed'e, “Aabbo, galata sii deebisa, waan atini na d'ageetuufi. Ammalle aka atini guyya ch'ufa na d'ageetu ani imbeekha, ammo maro gumi arma marsite ch'iiftu tanaafi anini waan kana jed'a, aka isiini aka atini na ergite d'ugefattu.” Waan kana jennaani inni qonqo olfud'ate lalabe, “Lazaro, kooti, gabahi” jed'e. Namichi due kaani boolaa bahe, ka woya awaalatiini harkafi miili wolti hid'aansa qabu, ammalle fuula isaa bututuuni hid'ani. Yesoni waan worraani jed'e, “Iraa hiikha, ha deemuti.” Guyya suni nama hedduti Yeso d’ugeefate.