Yakobooni eegi oobju riiqa suni oobjate, deeme lafa abuya isa Labaniitini bahe. Eegi ji’a tokko guutu achu taae, Laabanin waan isaan jed’e, “Ato fiit'ale taane, akanumati na injohattu ana maani sii heregu feeta?” Labaniini ijoolle dubra lama qaba; ta angafa maqaani Lea, maand'itiini Raheli. Leani guma ilaa keesa hamtu, ammo Raheliini aka taka inargini mid'aadu. Yakobooni guddo Raheli jaalate waan abbaani jed'e, “Yo atini Raheli naa kennite, isii jed'e ganna torba si hojad'a.” Labaniini waan jed'eeni, “Fulla nama d'ibii kennu hojja sii kennu ira naa jirti, na woliini tai.” Yakobooni Raheli jed'e, ganna torba isaa hojate, ammo ganni suni womale iti infakaanne waan inni guddo isi jaalateefi.
Yakobooni waan Labaniini jed'e, “Anini waan atini feetu ya sii guute, fuud'a naa tolchi.” Jennaani Labaniini nama ch'ufa wolti yaama jila guddo tolche. Ammo halkani suni Labaniini fula Raheli Lea fuud'e Yakobootiini d'ufe, duuba Yakobooni niiti tolfate. Yo Yakobooni lafti bariinaani ufi bira millate, kuno, Leani d'aatu ch'iifti. Inni lafaa ch'ee gara Labani d'aqe waan jed'eeni, “Wonti atini akana na tolchiteefi maani? Anini Raheli jed'e hojad'e, ati maafi akana na sobde?”
Labaniini waan jed'eeni, “Aada teenna keesa maand'a angafa durati dandaani imfuud'ani. Haga torbaani jila kunini hobaaniti eegi, duuba intala tanale imfuuta, ammo ganna torba d'ibi naa hojatta, akasi beekad'i.” Yakobooni ee jed'e, torbaani jilaa hobaanaani Labaniini Rahelile kenneefi. Yakobooni Raheli niiti tolfate Lea ira isi jaalate. Ammalle ganna torba d'ibi Labani hojate.
Leaafi Raeliin guddo waljibbani. Waan Yakobooni guddo Raeli jaalateefi Leani guddo Raeli jibbite. Raelilleni guddo Lea jibbite waan isiin ilmaan d’iira heddu d’alteef. Raeliin eege Yusufuufi Benjamini d’alte. Leani ilmaan d’iira heddu d’alte, kha akka Yuda kha sanyi isa keesa hayooti gugurdoon Yahudii ta akka Hayyicha Daudifaan jiran. Yeso Kristoollen sanyi Yudaa keesa d’ufe. Waaqi Yakobo eebise, ato Laabanin isa sobelle, inni ilmaan d’iira kud’ani lama argate, amalle Waaqi qabeenna guddaalle isaan eebise.