Eliyaani raga gudda Waaqa lafa Israeli keesati bara Hayyicha hama waaqota harkaan boch’an waaqefatu kha maqaan Ahabu jed’ani. Marro chubbu gumi Israeliitifi d’ufaansa oola raage, duuba Waaqi ganna sadi hiroobne. Gaafa oola hamtu suni keesa, Eliyaani Ahabu argu d'aqe. Ahabuni Eliya arge jennaani waan jed'eeni, “Kunini d'aguma sii, ka lafa Israeli balleese?” Eliyaani waan jed'eeni, “Nami Israeli balleese, ananiti siifi worra keesani, waan isani seera Waaqa ch'absitani, Waaqa Baali jed'ani gula baatanifi.” Duuba Eliyaani waan jed’e, “Amma waan taatu, worra Israeli ch'ufa gaara Karmeliti wolti naa yaani. Duuba Waaqa d’ugaa ilaalla, Aabbo Waaqa mo Baali!”
Jennaani Ahabuni worra Israelitiifi raagoota Baali dibba afuriifi shantama wolti gaara Karmeliti wolti yaame. Eliyaani qofa d’aabate. Eliyaani biyyati d'ufe waan jed'eeni, “Anini ibida male sorio gubbani baasa, raagoti dibba afuriifi shantama ta worra Baalilleni kha ibida imbobeesine sorio gubani ha baaftu. Kha ibidaan deebisu Waaqa d’ugaati. Jennani raagolleen taani, “Eehe, kunini yaada dansaa jed’ani.”
Raagoleen Baali, haga aduuni guyya gudda geetuti asi Baali kad'ate, waan jette, “Ee Baali! nu ch'aqasi! Ibidda nuu ergi! Ee Baali! nu ch'aqasi! Ibidda nuu ergi!” Worri d'aatu waan sorio irati baasani ka worri jaare suni, mare, olch'ech'eani sirbani, ammo nami owaate dubbi worra jala qabe tokoleeni injiru. Lafti guyya gudda geennaani, Eliyaani worra goyeese waan jed'e, “Lalabdani yaamtani ho? Inni Waaqa keesaniniti, inni hegeri muguu jira yokhaani gabaefa, yokhaani imaltu fa jira! Yokhaani hegeri raafu jira kaasu maltani!” Jennaani raagooti taani lalabde kad'ate, aada ufi gula bilaafi woraanani ufi mumurte d'iiga ufi keesaa yaafte. Worri akuma kaani haga lafti galgalooftuti iyyee maraate, “Ee Baali! nu ch'aqasi! Ibidda nuu ergi! Ee Baali! nu ch'aqasi! Ibidda nuu ergi!” jed’e ammo nami qonqo worra d'agaye yokhaani worra jala owaate tokoleeni injiru.
Duuba Eliyaani waan worran jed'e, “Ingeetti lakkisa! Amma qoommin tiyya.” Inni fulla sorio Waaqa iti baasani ta qara balleesani mid'aase, d'akhaa kud'ani lama, gosa kud'ani lama ta ilmaani Yakobo namicha Waaqi Israeli maqa baase kaani gula fuud'e, d'akhaaye sunini fulla Waaqa sorio irati baasani jaare. Jennaani fulla suni d'aatu, boola bisaani haga butte toko fuutu qote. Duuba qoraani fulla sorio iti baasani suniti tuule, korma suni qale, fooni isaa qoraani suni gubba naqe, bisaani foonifi qoraani gubbati naqe. Jennaani Eliyaani fulla sorio irati qalani suniti d'iaate Waaqa kad'ate waan jed'e, “Ee Aabbo Waaqa arra ha beekhani aka atini d'uguma Waaqa, ammalle aka anini hojattuuni teeti.” Jennaani hojjuma suni, ibidi gubbaa gabue, foonifi qoraanifi d'akhaaye taanile ch'ufa gube lafa gogose, bisaani kaanileeni ch'ufti fooqatani.
Biyyiti waan kana ch'ufa garte jennaani lafati jijidde, lalabde waan jette, “Goofta! Inni Waaqa!” Eliyaani waan worraani jed'e, “Raagoota Baali ch'ufa qaqaba, tokoleeni imbahini!” Eegi suni bokkaani inroobe.