Deemma lafa haloo keesa/ Akka turuura seenan!
Eegi Waaqi gumii Israeli lafa Misirii keesa baase, inni kara gabaaba worra inqajeelchine; Waaqi worra kara marto, ka lafa aloo qajeelu, Galaana Diimati qajeelche. Waaqi guyya aka baldo dumansaa worra dura deeme, aka worri gula yae kara iraa imbanne, halkanile aka goola ibidaa bobae ifse, worri ifse argate halkanii guyya godaane.
Ammo Faraoni aka worri sunini baqate iti himani herega gargalfate waan jed’e, “Nu qara maani taane worra Israeli gad'iimne amma tissele d'amne?” Jennaani Faraoni gaari lolaa ka fardi hirkisufi askarti isaale kurfefate. Duuba gaari fardi hirkisu dadansa d'ibba jaatiifi gaari fardi hirkisu ka lafa Misiri keesa jiru ch'ufa, ka kamu nami askarti gudda ke jiru, wolti guure kae iti d'aabate. Gumi Israeli reebani fulla galaana Diimati daqabani.
Gumiini Israeli askarti Misiri ta iti gad'ufu jirtu garte guddo sodaatani bohani waan
Musani jed’ani, “Atini maafi lafa aloo tanati baafte nu fit'a?”
Jabaadhaa Ejjadhaa! Akka Galaani Gargari Bahe Worri Taakke.
Musani waan jed'eeni, “Insodaatina, jabaad'a, aka Waaqi isani baasu arra laala; wonti akanatiifi worri Misiri ka arra agartani kana deebitani haga jiru jireennale ingartani. Waaqi isanii kalcha, yo isani takaa taatani jabaattani.” Waaqi waan Musani jed'e, “Maafi nati boota? Worra Israelitini, Durati yaa jed'i. Ule tante olfuud'i, harka d'eerefad'i, galaana ira qabi, aka inni gargari ch'ite, worri Israeli lafa goddu ira taaku argatu. Anini garaa worra Misiri jabeese, aka worri worra Israeli gula yau; duuba anini Faraofi gumi isaatiifi askarti isaa ta gaari fardi hirkisuni yaatufi ta fardaani yaatule dabsad'a. Yo anini Faraofi askarti isaa ch'ufa dabsad'e, worri Misiri imbeekha, aka anini Aabbo Waaqa.”
Duuba Musani harka galaana ira qabate jennaani Waaqi bubbe guddo ilaboruti d'ufeeni bubbeeni taani bisaani gargari gama lamati kute, lafti godduuni jiddu mullatte; bisaani gargari ch'itani, bubbeeni suni halkanii bubbisaa bulte. Duuba worri Israeli galaana suni jiddu lafa goddu ira taake, bisaani gooraani mirgaa bitaa worraa ejani. Jennaani farda Faraotiifi gaari fardi hirkisufi jari isa ka fardaani reebuleeni ch'ufti reebu Israeliti jed'ani jiddu galaana buani.
Baafama
Ganama ato lafti bolgoddu, Waaqi baldo dumansaa keesa aka ibida askarti Misiriti mullate naasise mudamsiise. Ammalle inni miila gaari worra Misiri lafati mat'anse, duuba gaari worraa chochou d'owe. Worri Misiri waan jed'e, “Worra Israeli kana biraa nu baqachiisa. Wonti akanatiifi Waaqati worraa kalche nu had'uu jira!”
Jennaani Aabbo Waaqi waan Musani jed'e, “Harka kanke galaana ira qabi, ha bisaani worra Misiritiifi gaari worraatifi farda worrale ch'ufa ira deebianiti.” Bisaani deebiani, gaari fardi hirkisufi worra fardaani yaufi worra Farao ch'ufa ira deebiani, tokole bahu d'owani. Akanaani Waaqi guyya suni worra Israeli harka worra Misiri keesaa baase. Bori iyaatee, Worri Israeli reefa worra Misiri ka afaani galaana ch'iisu arge. Worri Israeli aka Waaqi irree guddooni worra Misiri dabsate arginaani Waaqafi Musa hojattu isaale d'ugeefate.